الميزانيهسياسة الخصوصية
الميزانيه ما يجمع أي شي عنك.
آخر تحديث: 14 أكتوبر 2026
المختصر
كل اللي تكتبه في الميزانيه (المصروفات، الدخل، المحافظ، الإعدادات) يظل على جهازك، ومعاه نسخة احتياطية خاصة في iCloud الخاص فيك. ما فيه حسابات عندنا، ما فيه سيرفرات عندنا، ما فيه تحليلات، ما فيه إعلانات، وما فيه أي كود من طرف ثالث. ما عندنا وين نشوف بياناتك، حتى لو بغينا.
شنو تخزّن، ووين
كل شي تدخله في التطبيق محفوظ داخل مساحة التطبيق نفسها على جهازك، ومعاه نسخة احتياطية تلقائية في iCloud الخاص فيك. ما فيه حساب تسجّل فيه عندنا، وما فيه سيرفر عندنا يقدر يستقبل أي شي منك: الجزء الوحيد اللي يتكلم مع الشبكة هو نظام النسخ الاحتياطي نفسه، ويحط نسختك في حساب iCloud مالك، اللي ما يقدر يقراه غيرك.
التذكير اليومي ينضبط محلياً على جهازك، والحسابات كلها من بياناتك المحلية.
شنو نقدر نشوف
ولا شي. ما فيه تحليلات، ولا تتبّع أعطال، ولا إعلانات، ولا أي SDK خارجي داخل التطبيق. المطوّر ما يقدر يشوف مصروفاتك، ولا دخلك، ولا حتى إذا نزّلت التطبيق أو لا.
المشتريات
المشتريات تتم عن طريق Apple من خلال App Store، وتحت سياسة خصوصية Apple. تفاصيل الدفع ما توصل للتطبيق ولا للمطوّر أبداً. التطبيق بس يتأكد، على جهازك، إذا الشراء موجود عشان يفتح النسخة الكاملة.
الإشعارات
إذا فعّلت التذكير، الإشعارات ينضبط جدولها بالكامل على جهازك من iOS نفسه. ما فيه سيرفر إشعارات عندنا.
النسخ الاحتياطي في iCloud
بعد كل تغيير تسويه، الميزانيه يحفظ نسخة خاصة من بياناتك في iCloud الخاص فيك - بصمت، وبدون أي أزرار. هذي النسخة تظل في حسابك إنت، وما يقدر يقراها المطوّر.
من فوايدها: لو حذفت التطبيق ورجّعته (أو بدّلت تليفون)، أول ما تفتح التطبيق يلقى نسختك ويرجّعها لك تلقائياً، مع رسالة صغيرة تطمّنك.
وتقدر تشوف حالة النسخة وترجّعها يدوياً من: الإعدادات داخل التطبيق ← النسخ الاحتياطي. وإذا بغيت تحذف النسخة نفسها: إعدادات الآيفون ← اسمك ← iCloud ← إدارة مساحة الحساب ← الميزانيه ← حذف البيانات.
حذف بياناتك
حذف حركة داخل التطبيق يحذفها من جهازك. حذف التطبيق يحذف بياناته من الجهاز كذلك.
بس لا تخاف: نسختك في iCloud تبقى، وإذا رجّعت التطبيق ترجع بياناتك معها تلقائياً. حذف النسخة نفسها يتم فقط من إعدادات الآيفون، بيدك إنت: الإعدادات ← اسمك ← iCloud ← إدارة مساحة الحساب ← الميزانيه ← حذف البيانات.
الأطفال
الميزانيه غير موجّه للأطفال، وما يجمع أي معلومات شخصية من أي أحد، ولا من الأطفال.
التغييرات
إذا تغيّرت هذه السياسة يوم، النسخة الجديدة تنزل هنا بتاريخ جديد. التطبيق نفسه ما يغيّر طريقة تعامله مع البيانات: كل شي محلي، وهذي هي الفكرة من الأساس.
التواصل
أسئلة عن الخصوصية؟ راسلنا: support@slimesoftware.com
English
In short: Almizaniya collects nothing about you. No accounts, no servers, no analytics, no ads, and no third-party code.
Everything you enter (expenses, incomes, savings wallets, settings) is stored on your device, with an automatic private backup in your own iCloud. There is no account of ours to sign into and no server of ours that could receive anything: the only part that talks to the network is the backup system, and it stores your copy in your own iCloud account, which only you can read.
Purchases are processed by Apple through the App Store; payment details never reach the app or the developer. The app verifies the purchase on your device.
The daily reminder is scheduled entirely on your device by iOS. There is no push notification server.
Deleting an entry deletes it from your device; deleting the app deletes its on-device data too. But your private iCloud backup stays, and reinstalling the app brings everything back automatically. Deleting that copy is in your hands only: iPhone Settings, your name, iCloud, Manage Account Storage, Almizaniya, Delete Data.
Almizaniya is not directed at children and collects no personal information from anyone.
If this policy changes, the new version will be posted here with a new date.
Contact: support@slimesoftware.com